5 პირი გათავისუფლდა, 3 პატიმრობაში დარჩა

5 ბრალდებული გათავისუფლდა, 3 კი პატიმრობაში დარჩა - ასეთია ცხვარიჭამიაში მოკლული ახალგაზრდის საქმეზე მოსამართლის გადაწყვეტილება. ციხიდან გამოშვებულებს აღკვეთის ღონისძიება - პატიმრობა გირაოთი შეუცვალეს. ცნობილია, რომ გათავისუფლებულმა პირებმა გამოძიებასთან ითანამშრომლეს. უშუალოდ მკვლელობაში ბრალდებული ციხეში რჩება ორი მუხლით - განზრახ მკვლელობა და დანით ჩადენილი ჯგუფური ხულიგნობა.