logo
ENG



სტიქიის შედეგად რუსეთთან დამაკავშირებელი გზა დაზიანდა, მოძრაობა შეჩერებულია

27 ივნ 202211:10
3 წუთის საკითხავი
clock 1283

სტიქიის შედეგად რუსეთთან დამაკავშირებელი გზა დაზიანდა, მოძრაობა შეჩერებულია. 

შექმნილი საგანგებო მდგომარეობის გამო, საბაჟო გამშვები პუნქტი ყაზბეგი დროებით წყვეტს მუშაობას. საქონლის შემოტანა-გატანა და საბაჟო კონტროლის პროცედურები ვერ განხორციელდება.

საავტომობილო გზების დეპარტამენტის ინფორმაციით, ძლიერი წვიმის და უხვი ნალექის გამო, გვიან ღამით საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის 136-ე კილომეტრზე (ნეიტრალური ზონა) მდინარე თერგის ადიდების შედეგად, გზის 80 მ-მდე მონაკვეთი დაზიანდა

საავტომობილო გზების დეპარტამენტის შესაბამისი სამსახურების წარმომადგენლები სტიქიის ზონაში იმყოფებიან და ადგილზე სწავლობენ არსებულ მდგომარეობას, რათა გზის აღდგენა უმოკლეს ვადებში მოხდეს. ადგილზე მობილიზებულია სპეციალური ტექნიკაც და ადიდებული მდინარის დონის დაწევისთანავე დაიწყება გზის აღდგენის სამუშაოები

შესაბამისი ღონისძიებების გატარებამდე მცხეთა–სტეფანწმინდა–ლარსის საავტომობილო გზის 136-ე კილომეტრზე აკრძალულია ყველა სახის ავტოტრანსპორტის მოძრაობა


close დახურვა