სუს-ის უფროსის, გრიგოლ ლილუაშვილის თქმით, "თუ ვინმეს საქართველოში აგენტების შემოგზავნა უნდა, ამას 900 ათასი ტურისტის შემოშვება არ დასჭირდება".
ინტერპრესნიუსის ცნობით, ლილუაშვილმა ეს საქართველოში შემოსულ დიდი რაოდენობით რუსი მოქალაქეების შესახებ ლაპარაკის დროს თქვა.
"რუსი ტურისტები შემოდიოდნენ 2018-შიც, 2019-შიც. 2019-ში იყო ზუსტად ორჯერ მეტი შემოსული საანგარიშო პერიოდში და არ მომხდარა არც დივერსია, არც ტერორისტული აქტი. ჩვენი სამსახურები, შსს-სა და სხვა სტრუქტურებთან ერთად, შესაძლებლობის მაქსიმუმზე ვცდილობთ გავფილტროთ არასასურველი სტუმრები, თქვენ არ მოგეცემათ იმის საშუალება, რომ საჯარო სივრცეში ნახოთ საზღვარზე შეკავებული ან აქედან გაძევებული სხვა ქვეყნის მოქალაქეები, რომლებიც შემჩნეულები იყვნენ საზიანო მოქმედებებში ან არსებობდა საფუძვლიანი ეჭვი. ასე რომ, მშვიდად იყავით.
შემოსული ტურისტების მხრიდან ნულოვანი სტატისტიკაა დანაშაულის ჩადენის, სისხლის სამართლის დანაშაულს ვგულისხმობ, ასე რომ, იყავით მშვიდად, ნუ აჰყვებით პანიკას. თუკი ვინმეს აგენტების შემოგზავნა უნდა, ამას არ სჭირდება 900 ათასი ვიზიტორის შემოშვება, ამას სჭირდება 500-200-100 კაცის შემოშვება. არ არსებობს, 1000 ან 2000 აგენტი ვინმემ შემოუშვას ქვეყანაში". - თქვა საქართველოს სახელმწიფო უსაფრთხოების სამსახურის უფროსმა.
დახურვა