თბილისის მერის, კახა კალაძის თქმით, სადგურის მოედანზე ნაკადების მართვა წარმატებით მიმდინარეობს. ამის შესახებ მან მთავრობის სხდომაზე განაცხადა.
პიკის საათებში სადგურის მოედანი გადატვირთული იყო და მგზავრები ხაზებს შორის გადაადგილებას ვერ ახერხებდნენ. ამის გამო თბილისის მერიამ ნაკადების მართვისთვის თანამშრომლები გამოყო.
"სადგურის მოედანზე დავიწყეთ ჩვენი თანამშრომლები ნაკადების მართვა, რაც წარმატებით მიმდინარეობს. მინდა ჩვენს თანამშრომლებს მადლობა გადავუხადო. ძალიან მნიშვნელოვანია ამ საქმის გაგრძელება, განსაკუთრებით პიკის საათებში. ვაკვირდებოდით, მთელი ერთი კვირის განმავლობაში გადაადგილების პრობლემა არ შექმნილა. ნაკადების მართვას გავაგრძელებთ, როდესაც მგზავრთა დიდი ნაკადი მოიყრის თავს სადგურის მოედნის გადასასვლელ გვირაბში", - განაცხადა კალაძემ.
დახურვა