თქვენი შეხედულებები ოპოზიციის შესახებ ვიცით, მაგრამ თქვენ დღეს ოპოზიციამ დაგიბარათ იმისთვის რომ ქართველ ხალხს მოახსენოთ თქვენ პირადად და თქვენი მინისტრები რას აკეთებთ ყოველდღიურად იმისთვის, რომ საქართველომ დროულად და მართლაც მიიღოს ისტორიულად დამსახურებული ადგილი ევროპულ ოჯახში. მე ამ კითხვებს გავაჟღერებ, იქნებ რომ დაბრუნდებით მაშინ მაინც გვითხრათ.
რამდენ ევროპულ დედაქალაქში იყავით მას შემდეგ, რაც ეს ისტორიული ფანჯარა გაიხსნა, იქნებ ციფრები გვითხრათ, უკეთესია რიცხვებში თუ გამოხატავთ ამას. იქნებ 9-ზე მეტი იყო. რამდენ პრეზიდენტს და პრემიერს შეხვდით ევროპის დედაქალაქებში? რამდენი ვიზიტი განხორციელდა მათი მხრიდან საქართველოში? რამდენ ქვეყანაში იყო ჩასული თქვენი საგარეო საქმეთა მინისტრი სწორედ საქართველოს ევროპული პერსპექტივის და მომავლის ლობირებისთვის? კონკრეტული ციფრები მინდა, თუ შეიძლება, კონკრეტული თარიღებით და ვის შეხვდით, რამდენად მაღალი თანამდებობის პირებს. ასევე წლის ბოლომდე რამდენი ვიზიტი გაქვთ დაგეგმილი ევროპულ დედაქალაქებში? ცალკე გაყოთ იქნებ ის ქვეყნები, რომლებიც ლობირებენ საქართველოს და აქტიური მხარდამჭერები არიან და ე.წ ევროსკეპტიკოსი ქვეყნები. რამდენთან იყავით და რამდენთან აპირებთ ჩასვლას წლის ბოლომდე და 2023 წლის განმავლობაში?
ჩვენ ვიმსახურებთ, ამ შემთხვევაში საქართველოს მოქალაქეების სახელით ვსაუბრობ, ვიცოდეთ რა არის თქვენი მომავალი წლის დღის წესრიგი, რამდენ ევროპულ დედაქალაქში ვიხილავთ საქართველოს პრემიერს? რა მითითებები აქვთ ჩვენს საელჩოებს და დიპლომატიურ კორპუსებს მიცემული იმისთვის, რომ საქართველომ მიიღოს კანდიდატის სტატუსი და რა სამუშაოებს ეწევიან ისინი ყოველდღიურად? ეს ანგარიში უნდა მოახსენოთ როცა დაბრუნდებით ტრიბუნასთან და თუ შეიძლება, ნუ გაექცევით ამ კითხვებზე პასუხებს.
დახურვა