საკანონმდებლო ინიციატივა უკრაინაში მებრძოლი ქართველების დასაცავად

სამოქალაქო სექტორი უკრაინაში მებრძოლი ქართველი მეომრების დასაცავად სამართლებრივ საფუძველს ამზადებს. "დემოკრატიის მცველებმა" პარლამენტში უკვე შეიტანეს ინიციატივა, რომელიც მთავრობას შეუზღუდავს უფლებას, მოქალაქეობა ჩამოართვას იმ სამხედრო მოსამსახურეებს, ვინც უკრაინაში იბრძვის. საკითხი მას შემდეგ გააქტიურდა, რაც ოცნება რუსეთის წინააღმდეგ უკრაინაში მებრძოლი ქართველებისთვის საქართველოს მოქალაქეობის დაკარგვის საფრთხეზე ალაპარაკდა და მიუთითა კანონმდებლობაზე. ამას დაერთო პროპაგანდისტული ბრალდებები ივანიშვილის გუნდის მხრიდან, თითქოს სამხედრო პირები უკრაინაში მოტყუებით ოპოზიციას მიჰყავს. ინიციატივის ავტორების თქმით, ხელისუფლებას ეძლევა შანსი, მებრძოლების მიმართ დამოკიდებულება გამოასწოროს.