logo
ENG



დღეს, 7 ნოემბრის საქმეზე, მიხეილ სააკაშვილის სასამართლო სხდომა გაიმართება

25 იან 202309:11
3 წუთის საკითხავი
clock 152
2023/01/25/0grspq1ryu2f1iv.png

დღეს თბილისის საქალაქო სასამართლოში, 7 ნოემბრის საქმეზე, მიხეილ სააკაშვილის სასამართლო სხდომა გაიმართება.

ადვოკატის, შოთა თუთბერიძის თქმით, პროცესი მიხეილ სააკაშვილის ჯანმრთელობის მძიმე მდგომარეობის გამო გახსნისთანავე გადაიდება.

სახელმწიფო ბრალდება მიხეილ სააკაშვილს 2007 წლის 7 ნოემბერს მომიტინგეთა მასობრივად დარბევას, ტელეკომპანია "იმედში" შეჭრასა და ბადრი პატარკაციშვილის კუთვნილი ქონების დანაშაულებრივად ხელში ჩაგდებას ედავება.

საქართველოს ყოფილ პრეზიდენტს ბრალი საქართველოს სისხლის სამართლის კოდექსის 333-ე მუხლის მესამე ნაწილით აქვს წარდგენილი, რაც სამსახურებრივი უფლებამოსილების გადამეტებას გულისხმობს, რამაც ფიზიკური ან იურიდიული პირის უფლების, საზოგადოების ან სახელმწიფოს კანონიერი ინტერესების არსებითი დარღვევა გამოიწვია. წარდგენილი ბრალი სასჯელის სახედ და ზომად 5-დან 8 წლამდე ვადით თავისუფლების აღკვეთას ითვალისწინებს.


close დახურვა