ერთიანი ნაციონალური მოძრაობის გენერალური მდივანი, პეტრე ცისკარიშვილი და მიხეილ სააკაშვილის გათავისუფლების შტაბის ხელმძღვანელი გიორგი ჩალაძე, მიხეილ სააკაშვილის ოჯახის წევრებთან ერთად, სტრასბურგში იმყოფებიან.
პარტიის ცნობით, ევროპარლამენტარები დღეს სტრასბურგში საგანგებო სხდომაზე შეიკრიბნენ - დისკუსიების შემდეგ პრესკონფერენცია გაიმართება.
"სადისკუსიო საკითხი სიკვდილის პირას მყოფ პუტინის პირადი პატიმრებთანაა დაკავშირებული. აღსანიშნავია ის ფაქტიც, რომ სხდომის ერთ-ერთი მომხსენებელი ვილიამ ბროუდერია, რომლის სახელთანაცაა დაკავშირებული მაგნიტსკის სიის შედგენა", - აღნიშნავენ პარტიაში.
დღეს, 14 მარტს ევროპარლამენტში საქართველოს მესამე პრეზიდენტის მიხეილ სააკაშვილის საკითხზე იმსჯელებენ.
მიხეილ სააკაშვილთან ერთად საუბარი შეეხება რუს ოპოზიციონერს ვლადიმირ კარა-მურზას და მოსკოვის კრასნოსელსკის დასახლების საბჭოს დეპუტატს, ალექსეი გორინოვს.
ევროპარლამენტის ვებგვერდზე, დღის წესრიგით გათვალისწინებულ საკითხებში წერია, რომ პოლიტპატიმრების შესახებ მოსმენა ადგილობრივი დროით 16:30 - 17:00 საათზე იქნება.
დახურვა