ღარიბაშვილი რუსეთთან უვიზო რეჟიმზე: ჰუმანიტარული თვალსაზრისით დადებითი და მისასალმებელია

საქართველოს პრემიერმინისტრმა ირაკლი ღარიბაშვილი აცხადებს, რომ რუსეთის მხრიდან საქართველოს მოქალაქეებისთვის სავიზო რეჟიმის გაუქმება „დადებითი ფაქტი და დადებითი გადაწყვეტილებაა“.

ღარიბაშვილის თქმით, რუსეთში "1 მილიონი ეთნიკური ქართველია" და მნიშვნელოვანია, "მათი მიმოსვლა გაადვილდეს".

"რუსეთის ფედერაციის ხელისუფლების გადაწყვეტილების შესაბამისად, ჩვენს მოქალაქეებს აღარ დასჭირდებათ ვიზები, რომ წავიდნენ რუსეთში. არაერთხელ გვითქვამს და ეს არის ფაქტი, რომ ჩვენ 1 მილიონი ეთნიკური ქართველი, თანამემამულე გვყავს რუსეთში და იქ ჰყავთ ოჯახის წევრები, ნათესავები ახლობლები, რა თქმა უნდა ძალიან მნიშვნელოვანია, გაადვილდეს მოძრაობაც, მათი მიმოსვლა, მათი ახლობლების ჩასვლა და ასე შემდეგ. ეს არის, რა თქმა უნდა, დადებითი ფაქტი და დადებითი გადაწყვეტილება." - განაცხადა ღარიბაშვილმა.

პრემიერმა ასევე აღნიშნა, რომ ეს "ჰუმანიტარული თვალსაზრისით დადებითი და მისასალმებელი გადაწყვეტილებაა".

"მინდა ყველას ვუთხრა, რომ ეს, რა თქმა უნდა, ჰუმანიტარული თვალსაზრისით ძალიან დადებითი, მისასალმებელი გადაწყვეტილება იყო და არის. ყველაფერი, რაც ჩვენს მოქალაქეებს, ყველაფერი და ყველა გადაწყვეტილება, რაც ჩვენს მოქალაქეებს გაუადვილებს, გაუმარტივებს ცხოვრებას, გადაადგილებას, ბიზნესის კეთებას, რა თქმა უნდა, არის დადებითი და მისასალმებელი." - განაცხადა ღარიბაშვილმა.

ქართული ოცნება მანიპულირებს, თითქოს რუსეთისგან სავიზო რეჟიმის გაუქმება და ფრენების აღდგენა ისევ ქართველებისთვის არის დადებითი გადაწყვეტილება, რადგან ეს რუსეთში მყოფებს ცხოვრებას გაუადვილებს.