ეკომიგრანტებად ქცეული ოჯახები

ხელისუფლებამ მეწყერსაშიში სოფლების მოსახლეობის მიმართვას წლების განმავლობაში ყურადღება არ მიაქცია, რაც ადამიანური მსხვერპლითა და დიდი მატერიალური ზიანით დასრულდა. დღეს ღარიბაშვილმა მორიგი დაპირება გასცა. ახალი დაპირებაც ბუნდოვანია, რადგან გაურკვეველია, სად და როგორ გააგრძელებს ცხოვრებას დაზარალებული ხალხი. ამ ეტაპზე მოსახლეობის მხოლოდ ნაწილია გაყვანილი სახიფათო ზონიდან - სასტუმროებში. გრძელვადიან გეგმაზე ხელისუფლება კონკრეტულს ვერაფერს ამბობს.