![9 წლის ბავშვის მიმართ გარყვნილი ქმედების ბრალდებით 72 წლის კაცი დააკავეს](/uploads/news/police.jpg)
შინაგან საქმეთა სამინისტროს ცნობით, 1948 წელს დაბადებული პირი გარყვნილი ქმედების ბრალდებით იმერეთში დააკავეს. უწყების განცხადებაში ვკითხულობთ, რომ გამოძიების ვერსიით, ბრალდებულმა მიმდინარე წლის 9 ოქტომბერს, ხონის მუნიციპალიტეტში, 2011 წელს დაბადებული ა.ე.-ს მიმართ გარყვნილი ქმედება ჩაიდინა.
წინასწარი შეცნობით თოთხმეტი წლის ასაკს მიუღწეველი პირის მიმართ ჩადენილ გარყვნილი ქმედების ფაქტზე გამოძიება საქართველოს სსკ-ის 141-ე მუხლის მე-2 ნაწილის "ვ" ქვეპუნქტით მიმდინარეობს. დანაშაული 8-დან 12 წლამდე ვადით თავისუფლების აღკვეთას ითვალისწინებს.