Bloomberg წყაროებზე დაყრდნობით წერს, რომ რუსეთის პრეზიდენტი, ვლადიმერ პუტინი G20-ის სამიტში მონაწილეობას არ მიიღებს - მის ნაცვლად, კრემლი საგარეო საქმეთა მინისტრს, სერგეი ლავროვს გაგზავნის.
მედია წერს, რომ კრემლი ცდილობს, პუტინმა თავი აარიდონ დაძაბულობას, რომელიც მაღალი დონის ლიდერების მხრიდან შესაძლოა იგრძნოს. G20-ის სამიტზე პუტინის მონაწილეობასთან დაკავშირებით კრემლს ოფიციალური განცხადება არ გაუკეთებია.
ვრცელდება ინფორმაციაც, რომ პუტინი, შესაძლოა, G20-ის სამიტს ვირტუალურად დაესწროს. ამის შესახებ ისაუბრა ინდონეზიის პრეზიდენტმა, რომელიც წელს სამიტს ბალიზე უმასპინძლებს.
რაც შეეხება ზელენსკის, უკრაინის პრეზიდენტის პრესმდივნის განცხადებით, ის მონაწილეობას მიიღებს G20-ის სამიტში, მაგრამ სავარაუდოდ, ონლაინ ფორმატში.
დიდი ოცეულის სამიტი 15-16 ნოემბერს, ბალიზე გაიმართება. მიწვეულ ქვეყნებს შორის არის უკრაინა და რუსეთიც. უკრაინა მოითხოვს, რუსეთმა დიდი ოცეული (G20) დატოვოს, ხოლო ვლადიმირ პუტინის მიწვევა სამიტზე უკან გაიწვიონ.
დახურვა