ორგანიზაცია სამართლიანი არჩევნების ინფორმაციით, პრორუსული და ძალადობრივი პლატფორმის, ალტ-ინფოს ვებგვერდი Facebook-მა მათი შეტყობინების საფუძველზე წაშალა.
ISFED-მა Facebook-ს მიმართა და ალტ-ინფოს მიერ მის პლატფორმაზე გაკეთებული სიძულვილის ენის შემცველი განცხადებებისა და ძალადობრივი ჯგუფების მობილიზების შესახებ აცნობა.
"Facebook-ის შესაბამისი განყოფილების გადაწყვეტილებით, ალტ-ინფომ Facebook-ის გამოყენების წესები და პოლიტიკა დაარღვია", - წერია განცხადებაში.
ალტ-ინფო 5 ივლისის ძალადობის ორგანიზატორია. ცნობისთვის, 16 ივლისს ცნობილი გახდა, რომ პლატფორმა ალტ-ინფო Facebook-ზე აღარ იძებნება.
მანამდე, 11 ივლისს ჰოსტინგ კომპანია iPage.Com-მა პლატფორმის ვებსაიტი altinfo.org გათიშა.
დახურვა