ომის კვლევის ამერიკული ინსტიტუტის (ISW) ცნობით, უკრაინელები ზაპოროჟიესა და ბახმუტის მახლობლად რუსების თავდაცვით ხაზს არღვევენ.
"უკრაინის ჯარებმა ბახმუტთან და ზაპოროჟიეს რეგიონის დასავლეთ ნაწილში, ფრონტის ორივე სექტორში წარმატებას მიაღწიეს. 7 სექტემბრის გეოლოკაციის კადრებში ჩანს, რომ უკრაინულ ძალებს კლიშივკას ჩრდილო-დასავლეთით მცირე მიღწვები აქვთ.
უკრაინის შეიარაღებული ძალების გენერალური შტაბი აცხადებს, რომ უკრაინელი სამხედროები ბახმუტის სამხრეთით და დასავლეთ ზაპოროჟიეს რეგიონში, რობოტინოსა და ვერბოვოს მახლობლად წარმატებას აღწევენ", - აცხადებს ომის კვლევის ამერიკული ინსტიტუტი.
ამასთან, რუსული ჯარები აგრძელებენ შეტევითი ოპერაციების ჩატარებას კუპიანსკი-სვატოვო-კრემენაიას ხაზზე, ბახმუტის მიმართულებით, ავდიივკა-დონეცკის ხაზზე და დონეცკისა და ზაპოროჟიეს რეგიონის საზღვრის მიდამოებში.
დახურვა