"ომის შემსწავლელი ინსტიტუტი" [ISW] რუსეთის პრეზიდენტის ვლადიმერ პუტინის 25 აგვისტოს ბრძანებულების, რუსული არმიის რაოდენობის გაზრდის შესახებ, ამბობს, რომ ნაკლებად სავარაუდო პუტინმა შეძლოს ამის განხორციელება და რუსული არმიის შესაძლებლობების გაზრდა, რაც ნაკლებმოსალოდნელს ხდის, რომ მან გამოაცხადოს სრული მობილიზაცია.
"მისი ბრძანებულებით, 2023 წლის 1 იანვრიდან რუსეთის შეიარაღებული ძალების ნომინალური საბოლოო ძალა 137 000 ადამიანით გაიზრდება, 1 013 628-დან 1 150 628-მდე. რუსი სამხედროები, სავარაუდოდ, უკრაინაში შეჭრის შედეგად ზარალის აღდგენას და უკრაინაში მათი ოპერაციის შესანარჩუნებლად ძალების გამომუშავებას ცდილობენ."- ნათქვამია ISW-ის შეფასებაში.
"ომის შემსწავლელი ინსტიტუტი" ასევე წერს, რომ შედარებით მოკრძალებული [თუმცა სავარაუდოდ ჯერ კიდევ მიუღწეველი] საბოლოო მიზნის შესახებ განცხადება მტკიცედ მიუთითებს იმაზე, რომ პუტინი ემხრობა სრული მობილიზაციის თავიდან არიდებას.
"კრემლი ნაკლებად სავარაუდოა, რომ შეძლებს პუტინის ბრძანების შესრულებას და სამხედრო ძალას 1,150,000-მდე გაზრდის. რუსეთს უკრაინაში შეჭრამდე დაახლოებით 850 000 მოქმედი სამხედრო ჰყავდა."
ISW წერს, რომ რუსეთს, სავარაუდოდ, სერიოზული დაბრკოლებები შეექმნა ახალი ჯარისკაცების დამატების პროცესში. რუსი რეკრუტების წინაშე არსებული გამოწვევების გარდა, რუსეთის წმინდა საწვრთნელი შესაძლებლობები, სავარაუდოდ, 24 თებერვლის შემდეგ შემცირდა, სავარაუდოდ, მას შემდეგ, რაც კრემლმა გამოიყენა სასწავლო ელემენტები უკრაინაში საბრძოლო მოქმედებებში მონაწილეობისთვის და მათ მარცხი განიცადეს.
"კრემლმა შეიძლება ალტერნატიულად პუტინის ბრძანებულების შესასრულებლად გამოიყენოს დონეცკისა და ლუჰანსკის ე.წ სახალხო რესპუბლიკების დამატებითი ძალები ან/და მოხალისეთა ქვედანაყოფები, რომლებიც ოფიციალურად ჯარის შემადგენლობაში არ შედიან. ნებისმიერ შემთხვევაში რუსეთის მიერ ჯარის ზრდა მცირე იქნება და ვერ მიაღწევს დასახულ მიზანს."- წერს " ომის შემსწავლელი ინსტიტუტი".
დახურვა