ომის კვლევის ამერიკული ინსტიტუტის (ISW) ცნობით, რუსებს არ აქვთ საკმარისი მექანიზებული ძალები ბახმუტში წინსვლისთვის.
"რუსულ ძალებს, სავარაუდოდ, ბახმუტში წინსვლისთვის [საკმარისი] მექანიზებული ძალები არ ჰყავთ. "თავდასხმის რაზმები", სავარაუდოდ, ვერ ახერხებენ მანევრირებადი საომარი მოქმედებების განხორციელებას", - აცხადებს ომის კვლევის ამერიკული ინსტიტუტი.
ანალიტიკოსების თქმით, რუსული ჯარები, შესაძლოა, კონსტანტინოვკას (ბახმუტიდან დაახლოებით 20 კილომეტრში) მიმართულებით წინსვლას შეეცადონ ან სლავიანსკი-კრამატორსკის მიმართულებით (ბახმუტის ჩრდილო-დასავლეთით დაახლოებით 40 კილომეტრში).
ამასთან, ამერიკელი ექსპერტები აღნიშნავენ, რომ რუსულმა ჯარებმა, ნაკლებად სავარაუდოა, რომ [ბახმუტზე] 10 თვიანი თავდასხმის შემდეგ, ტაქტიკური გამარჯვება მოიპოვონ.
გუშინ, უკრაინის პრეზიდენტმა, ვოლოდიმირ ზელენსკიმ განაცხადა, რომ დონბასში არსებული ძირითადი ქალაქების მოსაპოვებლად გზა „გახსნილია“.
დახურვა