ომის კვლევის ამერიკული ინსტიტუტის (ISW) ცნობით, რუსეთი ბოლო შეტევების დროს ირანული დრონების ახალ პარტიას იყენებს.
"რუსი ოკუპანტები ბოლო შეტევების დროს ირანული Shahed-136/131 უპილოტო თვითმფრინავების ახალ პარტიას იყენებს. რუსებმა 25 დღის განმავლობაში, პირველად შეუტიეს კიევს", - აცხადებს ომის კვლევის ამერიკული ინსტიტუტი.
ამერიკელი ექსპერტების თქმით, მხოლოდ 20 აპრილს, ოკუპანტებმა უკრაინის ტერიტორიაზე 26 უპილოტო საფრენი აპარატი გაუშვეს, ხოლო 21 აპრილს - 12. პირველ დღეს უკრაინის საჰაერო თავდაცვის ძალებმა 21 დრონი ჩამოაგდეს, ხოლო მეორე დღეს - 8.
"უკრაინის სამხრეთის შეიარაღებული ძალების პრესცენტრის ხელმძღვანელმა, ნატალია ჰუმენიუკმა 20 აპრილს განაცხადა, რომ რუსული ჯარები ელოდებოდნენ Shahed-ის უპილოტო თვითმფრინავების ახალი პარტიის ჩამოსვლას შემდგომ დარტყმებში გამოსაყენებლად და აღნიშნა, რომ რუსული ძალების მხრიდან სარაკეტო დარტყმების ინტენსივობა შემცირდა", - ნათქვამია განცხადებაში.
დახურვა