logo

IX მოწვევის პარლამენტმა მუშაობა დაასრულა

30 სექ 202020:18
3 წუთის საკითხავი
clock 297
n6lw0me1mkx8emx.jpg

საქართველოს IX მოწვევის პარლამენტმა მუშაობა დაასრულა. 

რეგლამენტის მიხედვით, პარლამენტმა პლენარული სხდომების გამართვა არჩევნებამდე ერთი თვით ადრე უნდა შეწყვიტოს. არჩევნები 31 ოქტომბერს არის დანიშნული. 

დღევანდელ სხდომაზე პარლამენტმა საერთო სასამართლოების შესახებ კანონში ცვლილებები დაამტკიცა - შეიცვალა უზენაესი სასამართლოს მოსამართლეების შერჩევის წესი. კანონპროექტს არასამთავრობო ორგანიზაციები, სახალხო დამცველი და იუსტიციის უმაღლესი საბჭოს არასამოსამართლე წევრი, ნაზი ჯანეზაშვილი აკრიტიკებენ

მუშაობის 4 წლის განმავლობაში პარლამენტმა მიიღო საკონსტიტუციო ცვლილებები, რომლითაც პრეზიდენტის არჩევის წესი იცვლება, ასევე, გაუქმდა მაჟორიტარული სისტემა და 2024 წლიდან პარლამენტი სრულად პროპორციული წესით დაკომპლექტდება. 

IX მოწვევის პარლამენტის პირობებში ვიხილეთ რუსეთის დუმის კომუნისტი დეპუტატი, სერგეი გავრილოვი პარლამენტის თავმჯდომარის სავარძელში. 

IX მოწვევის პარლამენტი 2016 წლის 18 ნოემბერს შეიკრიბა, ქართული ოცნების საკონსტიტუციო უმრავლესობით, რომელიც 2019 წლის თებერვალში, მას შემდეგ დაიშალა, რაც ეკა ბესელიამ და კიდევ რამდენიმე დეპუტატმა ქართული ოცნება დატოვა. 

close დახურვა