სამხრეთ კავკასიასა და ცენტრალურ აზიაში NATO-ს გენერალური მდივნის სპეციალური წარმომადგენელი ხავიერ კოლომინა ტვიტერზე ეხმაურება რუსეთის საგარეო სამინისტროს მოთხოვნას NATO-ს მიმართ, რომ უნდა გაუქმდეს საქართველოსა და უკრაინის NATO-ში შესვლის გადაწყვეტილება. კოლომინა წერს, რომ NATO 2008 წლის ბუქარესტის სამიტის გადაწყვეტილების ერთგული რჩება.
"რუსეთს სურს, რომ საქართველოსა და უკრაინას საკუთარ მომავალთან დაკავშირებით არჩევანი უკრანახოს, როგორც NATO-ს საგარეო საქმეთა მინისტრებმა რიგაში თქვეს, ჩვენ 2008 წლის ბუქარესტის სამიტზე მიღებული გადაწყვეტილების ერთგული ვრჩებით" - წერს სამხრეთ კავკასიასა და ცენტრალურ აზიაში NATO-ს გენერალური მდივნის სპეციალური წარმომადგენელი ხავიერ კოლომინა ტვიტერზე.
კოლომინა ავრცელებს პრეს-რელიზიდან ამონარიდს, რომლის თანახმად შეკითხვაზე თუ რას ფიქრობს რუსეთის განცხადებაზე საქართველოსა და NATO-ს უკრაინაში შესვლის გადაწყვეტილების გაუქმებასთან დაკავშირებით, NATO-ს გენერალური მდივანი იენს სტოლტენბერგი პასუხობს - "ყველა ერს აქვს უფლება აირჩიოს თავისი გზა, ჩვენ ვერ მივიღებთ რუსეთის მცდელობას ქონდეს გავლენები".
#Russia wants to dictate the choices countries like #Ukraine and #Georgia get to make with regard to their own future. As #NATO Foreign ministers expressed recently in Riga, we are committed to the decisions adopted in the 2008 Bucharest summit. pic.twitter.com/Lca7qoPJbO
რუსეთის საგარეო საქმეთა სამინისტრო NATO-სგან მოითხოვს გააუქმოს გადაწყვეტილება ჩრდილოატლანტიკურ ალიანსში საქართველოსა და უკრაინის შესვლაზე.
"ევროპული უსაფრთხოების საფუძვლიან ინტერესში უნდა იყოს, რომ დაუყონებლივ გაუქმდეს ბუქარესტის სამიტის 2008 წლის გადაწყვეტილება, რომ საქართველო და უკრაინა NATO-ს წევრები გახდებიან, რაც წინააღმდეგობაში მოდის ეუთოს წევრი ქვეყნების ვალდებულებასთან არ გააძლიერონ თავიანთი უსაფრთხოება, სხვათა უსაფრთხოების ხარჯზე" - ნათქვამია რუსეთის საგარეო სამინისტროს განცხადებაში.
NATO-ს 2008 წლის ბუქარესტის სამიტზე მხარი დაუჭირეს დეკლარირებულ გადაწყვეტილებას, რომ საქართველო და უკრაინა გახდებიან NATO-ს წევრები.
საქართველოს საგარეო საქმეთა მინისტრი დავით ზალკალიანიც გამოეხმაურა რუსეთის საგარეო სამინისტროს გავრცელებულ განცხადებას, რომ გაუქმდეს საქართველოსა და უკრაინის NATO-ში შესვლის გადაწყვეტილება, რომელიც ბუქარესტის სამიტზე მიიღეს. ზალკალიანი ამბობს, რომ ეს გადაწყვეტილება არ გადაისინჯება და თავად NATO-სა და საქართველოს გადასაწყვეტია, ქვეყნის ევრო-ატლანტიკური ინტეგრაციის საკითხი.
დახურვა