გამოცემა Politico წერს, რომ ვაშინგტონი უკრაინაში სამხედრო მრჩევლების გაგზავნის საკითხს განიხილავს.
როგორც პენტაგონის წარმომადგენელი, პეტ რაიდერი აცხადებს, მრჩევლები საომარ მოქმედებებში მონაწილეობას არ მიიღებენ, თუმცა უკრაინის შეიარაღებულ ძალებს კონსულტაციებს გაუწევენ.
"ჩვენ ახლა განვიხილავთ რამდენიმე დამატებითი მრჩევლის გაგზავნის შესაძლებლობას. მრჩევლები საბრძოლო მოქმედებებში არ ჩაერთვებიან, ისინი უკრაინის მთავრობასა და სამხედროებს კონსულტაციებს გაუწევენ", - აღნიშნა მან.
ამასთან, გუშინ, აშშ-ის კონგრესის წარმომადგენელთა პალატამ უკრაინის დახმარების შესახებ კანონპროექტი დაამტკიცა. დახმარების პაკეტი 61 მილიარდი დოლარის გამოყოფას ითვალისწინებს.
კანონპროექტის მიღებას მხარი 311-მა დეპუტატმა დაუჭირა, 112 კი წინააღმდეგი იყო. კანონპროექტი ისრაელის დახმარებასაც ითვალისწინებს. სენატში კანონპროექტის განხილვა 23 აპრილს შედგება.
დახურვა