ბელარუსის ცენტრალური საარჩევნო კომისიის მონაცემებით, ქვეყნის მოქმედმა პრეზიდენტმა არჩევნებზე 80.23% მოიპოვა, - ამის შესახებ Meduza.io იუწყება.
მედიასაშუალების ინფორმაციით, ლუკაშენკოს მთავარმა ოპონენტმა, სვეტლანა ტიხანოვსკაიამ 9.9% მოპოვება შეძლო.
არჩევნებში სულ 5 კანდიდატი მონაწილეობდა. მათი ხმები ასე გადანაწილდა: ანა კანაპოცკაია - 1.68%, ანდრეი დმიტრიევი - 1.04%, სერგეი ჩერეჩენი - 1.13%.
ამომრჩეველთა 6.02%-მა ხმა ყველას წინააღმდეგ მისცა.
საპრეზიდენტო არჩევნების შემდეგ მოსახლეობა გარეთ გამოვიდა. მომიტინგეები ოფიციალური ეგზიტპოლის შედეგებს აპროტესტებდნენ. მოქალაქეებსა და სამათალდამცველებს შორის რამდენჯერმე დაპირისპირება მოხდა. არიან დაშავებულებიც.
დახურვა