ამერიკის შეერთებული შტატების კონგრესში საქართველოს მეგობართა ჯგუფის თანათავმჯდომარე, რესპუბლიკელი კონგრესმენი ადამ კინზინგერი ოპოზიციასა და “ქართულ ოცნებას” შორის მიღწეულ შეთანხმებას ეხმაურება.
შესაბამისი განცხადება კონგრესმენმა Twitter-ზე გაავრცელა.
“ჩემი გულწრფელი მილოცვა ქართველ ხალხს 2020 წლის საპარლამენტო არჩევნებზე შეთანხმების მიღწევისთვის. დემოკრატია რთული საქმეა, თუმცა ამად ღირს. სპიკერი თალაკვაძე და სხვები გაწეული შრომისთვის პატივისცემას იმსახურებენ. ვრცელი განცხადება მოგვიანებით გამოქვეყნდება”, - წერს კინზინგერი.
შეგახსენებთ, რომ ოპოზიციამ და ხელისუფლებამ 2020 წლის საპარლამენტო არჩევნებისთვის, საარჩევნო სისტემასთან დაკავშირებით შეთანხმებას მიაღწიეს.
დახურვა