საპატრიარქოს სკანდალი
სინოდის სხდომის გარშემო განვითარებულ სკანდალურ მოვლენებთან დაკავშირებით მგელი დღის განმავლობაში თეოლოგები პრესკონფერენციებს გამართავენ. საზოგადოება სიახლრეებს ელის მარტვიკიდანაც, სადაც წუხელ გვიან ღამით დაბრუნდა პეტრე ცაავა. მას ტაძარში ადგილობრივი მღვდელმსაზურები და მრევლი დახვდა. ყოფილი მიტროპოლიტის პეტრე ცაავას განცხადებით, ის რჩება ეპარქიაში და ელოდება თავისი შემცვლელის, მეუფე გრიგოლის ჩამოსვლას.
პეტრე ცაავამ განაცხადა, რომ მღვდელმთავრობიდან “მამათმავლობისა და პიდარასტული ცოდვის მხილების” გამო გადააყენეს და ეს გადაწყვეტილება თავად სინოდის თავმჯდომარემ, პატრიარქმა მიიღო.
აქცია მთავრობის ადმინისტრაციასთან
კამპანია „აზარტული თამაშების წინააღმდეგ”, მთავრობის სხდომის პარალრლურად, სახელმწიფო კანცელარიასთან აქციას გამართავს. ანა დოლიძის კამპანია დღეს პირველ საჯარო შეკრებას იწყებს, სადაც გაჟღერდება კონკრეტული მოთხოვნები.
სახელმწიფო ინსპექტორის სამსახური გამოძიებას იწყებს
დღეიდან სამართალდამცველებისა და საჯარო მოხეების მიერ ჩადენილ ძალადობრივ დანაშაულებს სახელმწიფო ინსპექტორის სამსახური გამოიძიებს. პარლამენტმა 2018 წელს მიიღო „სახელმწიფო ინსპექტორის სამსახურის შესახებ“ საქართველოს კანონი. ეს კანონი ანიჭებს სახელმწიფო ინსპექტორის სამსახურს აღნიშნული ტიპის დანაშაულებების გამოძიების უფლებამოსილებას.
ისლამურმა სახელმწიფომ შურისძიება დააანონსა
„ისლამური სახელმწიფო” დაჯგუფების ლიდერის ალ-ბაღდადის სიკვდილის გამო, აშშ-სა და მის მოკავშირეებს შურისძიებით ემუქრება. ორგანიზაციამ ლიდერის სიკვდილი, ინტერნეტში გავრცელებული აუდიოჩანაწერის საშუალებით დაადასტურა, ამასთან, ლიკვიდირებული ლიდერის მემკვიდრედ, აბუ იბრაჰიმ ალ-ჰასემი ალ-ქურაიში დაასახელა.
ამერიკულმა სამხედროებმა “ისლამური სახელმწიფოს“ ლიდერის, აბუ ბაქრ ალ-ბაღდადის წინააღმდეგ ოპერაცია სირიაში, იდლიბის პროვინციაში განახორციელეს. პენტაგონის ინფორმაციით, ოპერაციის დროს ალ-ბაღდადმა, რომელიც გვირაბის საშუალებით გაქცევას ცდილობდა, თავი აიფეთქა.
ძიუდოში 23-წლამდელთა შორის ევროპის ჩემპიონატი იწყება
რუსეთის ქალაქ იჟევსკში დღეს ძიუდოში 23-წლამდელთა შორის ევროპის ჩემპიონატი იწყება. ჩემპიონატში მონაწილეობას 12 ქართველი სპორტსმენი მიიღებს; ტურნირზე საქართველოს სახელით 9 ბიჭი და 3 გოგო გამოვა.
დახურვა