"ლეიბორისტული პარტიის" ლიდერი შალვა ნათელაშვილი 19 წლის ფეხბურთელის, გიორგი შაქარაშვილის გასვენებაში მივიდა. ნათელაშვილმა ჟურნალისტებთან განცხადება გააკეთა და აღნიშნა, რომ სკოლებსა და საზოგადოების ყველა სფეროში უნდა იყოს იდეოლოგია - "არ ჰკლა".
"ტრაბახი, რომ უძველესი ქრისტიანული ქვეყანა ვართ, ბევრს არაფერს ნიშნავს, თუ იდეოლოგია სკოლიდანვე, საზოგადოების ყველა სფეროში იმის თაობაზე, რომ არ ჰკლა. ბიბლია იწყება - „არ ჰკლა“. ამით ვართ ქრისტიანები, ან არ ვართ და რაღაცას ვტრაბახობთ", - განაცხადა ნათელაშვილმა.
შეგახსენებთ, რომ გიორგი შაქარაშვილი 18 ივნისს გაუჩინარდა. ოთხდღიანი ძებნის შემდეგ, მისი ცხედარი მდინარე არაგვში იპოვეს. მას სხვადასხვა სახის დაზიანებები აღენიშნება. მომხდართან დაკავშირებით გამოძიება 2 მუხლით - ძალადობისა და თავისუფლების უკანონო აღკვეთის მუხლით მიმდინარეობს. ამ ეტაპზე საქმეზე დაკავებული არავინაა.
დახურვა