საქართველოს არადომინანტმა რელიგიურმა ჯგუფებმა ქრისტეს შობა არატრადიციულად აღნიშნეს. 25 დეკემბერს ევანგელისტურ-ბაპტისტურ ეკლესიაში საშობაო წირვა გვიან ღამემდე მიმდინარეობდა და ონლაინ გადაიცემოდა. მათ მრევლს საშობაო წირვაზე დასწრება მხოლოდ ერთჯერადი საშვებით შეეძლო. 7 იანვრისგან განსხვავებით, მთავრობამ ამ დღეს კომენდანტის საათი არ მოხსნა. ეპისკოპოს რუსუდან გოცირიძის თქმით, უხერხულია, როდესაც სახელმწიფო მეორეხარისხოვან მოქალაქედ აღგიქვამს.
მარიამის ზეცად აყვანების თბილისის კათოლიკურ ტაძარში, გადაადგილების შეზღუდვის გამო, წირვა 18:00 საათზე დაიწყო და 21:00 საათამდე დაასრულდა. კათოლიკე ეკლესიამ ერთჯერად საშვებზე უარი თქვა. ეკლესიის ეპისკოპოსის ჯუზეპე პაზოტოს განცხადებით, დამსწრეთა მსურველების პირადი მონაცემების მოგროვება პრობლემური იყო.
დახურვა