„ქართული ოცნების" ყოფილმა წევრმა არმაზ ახვლედიანმა გადაცემაში „პოლიტიკის ფორმულა" განაცხადა, რომ შექმნილი სიტუაციიდან ერთადერთი გამოსავალი პარტია „ქართული ოცნების" თავმჯდომარის ბიძინა ივანიშვილის პოლიტიკიდან წასვლაა.
„ივანიშვილმა არჩევანი გააკეთა ხუნდაძეების, ვოლსკების სასარგებლოდ და ქვეყანა შეიყვანა ისეთ ჩიხში, საიდანაც გამოსვლის გზას ვერ ვხედავ თუ არა ვადამდელი, თუ არა მთავრობის გადადგომა, მთავრობის გადადგომაც არა, ივანიშვილი უნდა წავიდეს პოლიტიკიდან, იმიტომ, რომ ის ქვეყნის განვითარაბის უმთავრესი პრობლემაა. პოლიტიკოსი ხუნდაძე ახლა მეასეხარისხოვანია და ყველა სხვაც," - განაცხადა ახვლედიანმა.
შეგახსენებთ, რომ საპარლამენტო უმრავლესობამ დაპირება არ შეასრულა და 2020 წელს პროპორციულ საარჩევნო სისტემაზე გადასვლის კანონპროექტი ჩააგდო.
დახურვა