კაპიტოლიუმის შენობაში ტრამპის ხმარდამჭერების შეჭრის გამო სიტუაციის დეესკალაციის მიზნით არმიამ ვაშინგტონში მყოფი ნაციონალური გვარდიის 1 100 სამხედრო კაპიტოლიუმში გაგზავნა.
CNN-ის ცნობით, კაპიტოლიუმის შენობაში დემონსტრანტების შეჭრის შედეგად რამდენიმე სამართალდამცველია დაშავებული. მინიმუმ ერთ-ერთი მათგანი საავადმყოფოში უკვე გადაიყვანეს.
რამდენიმე წუთის წინ CNN-მა გაავრცელა ინფორმაცია, რომ შენობაში ერთ-ერთი ქალი გულ-მკერდის არეშია დაჭრილი.
ცოტა ხნის წინ სამართალდამცველებმა კაპიტოლიუმში სენატის ფრთიდან შეჭრილი დემონსტრანტები გამოაძევეს, ამ დრომდე უცნობია, თუ რა ხდება წარმომადგენელთა პალატის მხარეს.
ტრამპის მხარდამჭერები კაპიტოლიუმის შენობაში ადგილობრივი დროით 14:30 სთ-ზე შეიჭრნენ.
დახურვა