სამოქალაქო ორგანიზაცია მოძრაობა საქართველოსთვის ქობულეთში 14 წლის გოგონას მხრიდან გაუპატიურების შემდეგ სიცოცხლის თვითმკვლელობის დასრულების გამო, შინაგან საქმეთა სამინისტროსთან და ქართული ოცნების ოფისთან საპროტესტო მსვლელობას მოაწყობენ.
აქციის მონაწილეები აცხადებენ, რომ არასრულწლოვანი გოგონას თვითმკვლელობა არაეფექტური გამოძიების და სისტემური ჩავარდნის შედეგია. აქტივისტებმა საპროტესტო მსვლელობა 20:30 სთ-ზე დაიწყეს, რაც ნიშნავს, რომ აქციის დასრულებამდე მათ გადაადგილების შეზღუდვის დარღვევა მოუწევთ.
ქობულეთში 14 წლის გოგოს თვითმკვლელობის შესახებ 10 თებერვალს გახდა ცნობილი. გარდაცვლილის გოგონას ბაბუის თქმით, თვითმკვლელობამდე გოგონაზე ორჯერ იძალადეს.
მისი თქმით, პირველი ინციდენტის დროს, გარდაცვლილს ინფორმაცია საკუთარი ოჯახის წევრებისთვისაც არ მიუწოდებია. მეორე შემთხვევა 2020 წლის დეკემბერში მოხდა, რის მერეც, გოგონას ოჯახმა სამართალდამცავ ორგანოებს მიმართეს.
გარდაცვლილის ბაბუა იხსენებს, რომ დანაშაულის შეტყობინების მიუხედავად, სამართალდამცავმა უწყებებმა ოჯახისთვის ექსპერტის დასკვნის გადაგზავნა მნიშვნელოვნად დააგვიანეს.
სამართალდამცველებმა კი, სავარაუდო დამნაშავე გოგონას თვითმკვლელობის შემდეგ, დღეს დააკავეს. მას ბრალად თექვსმეტი წლის ასაკს მიუღწევლის სხეულში სექსუალური ხასიათის შეღწევა ედება.
"გამოძიებით დადგინდა, რომ ბრალდებულმა ქობულეთის მუნიციპალიტეტში წინასწარი შეცნობით 16 წლის ასაკს მიუღწეველ, 2006 წელს დაბადებულ გოგონასთან სქესობრივი კავშირი დაამყარა", - ვკითხულობთ შსს-ის განცხადებაში.
14 წლის გოგოსთან სექსუალური კავშირის დამყარების საქმეზე გამოძიება სისხლის სამართლის კოდექსის 104-ე მუხლით მიმდინარეობს, რაც 7-დან 9 წლამდე პატიმრობას ითვალისწინებს.
დახურვა