აშშ-ის საელჩო აცხადებს, რომ ამერიკის შეერთებული შტატები მზადაა ხელი შეუწყოს საქართველოში რეფორმების განხორციელებას.
საელჩოს ცნობით, ელჩი კელი დეგნანი ვაშინგტონში იმყოფება და მისი თქმით, ვაშინგტონში ნათელია რომ აშშ მზადაა მხარი დაუჭიროს ქართველი ხალხის ევროინტეგრაციის სურვილს.
"მოგესალმებით ვაშინგტონიდან. აქ მაღალი რანგის ლიდერებთან შეხვედრები მაქვს მისიის ხელმძღვანელთა ყოველწლიურ კონფერენციაზე, რომელიც მთელი მსოფლიოდან თავს უყრის აშშ-ის ელჩებს (მათ შორის ნაცნობ სახეებსაც შეამჩნევდით).
ვაშინგტონში, ისევე, როგორც თბილისში ნათელია, რომ შეერთებული შტატები მზადაა, მხარი დაუჭიროს ქართველი ხალხის აშკარა სურვილს და ხელი შეუწყოს რეფორმების განხორციელებას საქართველოს ევროატლანტიკური ინტეგრაციის გზაზე" - წერია საელჩოს განცხადებაში.
დახურვა