შეერთებულმა შტატებმა აღმოსავლეთ სირიაში ბოლო რამდენიმე კვირაში მეორედ იარაღის შესანახ ობიექტზე იერიში მიიტანა. პენტაგონის ინფორმაციით, ობიექტს ირანის ისლამური რევოლუციის გვარდიის კორპუსი (IRGC) და მასთან დაკავშირებული ჯგუფები იყენებდნენ.
ისრაელ-ჰამასის კონფლიქტის გამო დაძაბულობის მატებასთან ერთად, ოქტომბრის დასაწყისიდან აშშ-სა და კოალიციის ჯარებს ერაყსა და სირიაში ირანის მხარდაჭერილი ძალები სულ მცირე 40-ჯერ დაესხნენ თავს. ორმოცდახუთმა ამერიკელმა ჯარისკაცმა მსუბუქი დაზიანება მიიღო.
თავის განცხადებაში აშშ-ის თავდაცვის მდივანმა, ლოიდ ოსტინმა განაცხადა, რომ დარტყმები ორი ამერიკული F-15 გამანადგურებლის მიერ განხორციელდა და ეს იყო პასუხი აშშ-ს ძალებზე ბოლო თავდასხმებისთვის.
ოსტინის თქმით, ამერიკელ სამხედრო მოსამსახურეებზე თავდასხმები უნდა შეწყდეს.
"თუ ირანის მარიონეტული ძალების თავდასხმები აშშ-ს ძალებზე გაგრძელდება, ჩვენ უყოყმანოდ მივიღებთ შემდგომ საჭირო ზომებს ჩვენი ხალხის დასაცავად", - დასძინა ოსტინმა.
დახურვა