აშშ უკრაინას ახალ, 325 მილიონი დოლარის ღირებულების სამხედრო დახმარების პაკეტს გადასცემს

"რუსეთმა დაიწყო ეს არაპროვოცირებული ომი უკრაინის წინააღმდეგ. რუსეთს შეუძლია, ნებისმიერ დროს დაასრულოს ის, შეაჩეროს სასტიკი თავდასხმები უკრაინის ქალაქებსა და ხალხზე, ვიდრე რუსეთი ამას არ გააკეთებს, აშშ და ჩვენი მოკავშირე პარტნიორები უკრაინასთან ერთად იქნებიან იმდენ ხანს, რამდენიც მას დასჭირდება", - აღნიშნულია სახ.დეპის განცხადებაში. 

პენტაგონის მიერ გავრცელებულ ინფორმაციაში აღნიშნულია, რომ ახალი დახმარების პაკეტის ფარგლებში უკრაინა დამატებით Bradley-ის ტიპის ქვეითთა საბრძოლო მანქანის 15 ერთეულსა და 10 ცალ Stryker-ის ტიპის ჯავშანტრანსპორტიორს მიიღებს.

გარდა ამისა, დახმარების ახალ პაკეტში შედის NASAMS-ის საჰაერო თავდაცვის რაკეტები, Stinger-ის ტიპის ჰაერსაწინააღმდეგო დანარგარები, საბრძოლო მასალები HIMARS-ებისთვის, 155 მილიმეტრიანი და 105 მილიმეტრიანი ჭურვები, ჯაველინები და სხვა ჯავშანსაწინააღმდეგო სისტემები.