აშშ უკრაინას კიდევ $550 მილიონის ღირებულების იარაღს და აღჭურვილობას გადასცემს.
ეს 2021 წლის აგვისტოს შემდეგ აშშ-ის მხრიდან უკრაინისთვის დახმარების მე-17 პაკეტია.
აშშ-ის სახელმწიფო მდივნის, ენტონი ბლინკენის განცხადებით, ეს დახმარება მოიცავს კიდევ უფრო მეტ საბრძოლო მასალას მაღალი მობილურობის საარტილერიო სარაკეტო სისტემებისა (HIMARS) და 155 მმ-იანი საარტილერიო სისტემებისთვის, რომლებსაც უკრაინის ძალები ეფექტურად იყენებენ ბრძოლის ველზე საკუთარი ქვეყნის დასაცავად.
ბლინკენის თქმით, ბაიდენი-ჰარისის ადმინისტრაციის პირობებში, ამ დახმარების გადაცემით, აშშ-ის მხრიდან უკრაინისთვის გაწეული დახმარების ღირებულება 8.7 მილიარდ აშშ დოლარს მიაღწევს.
"ჩვენი თავდადება უკრაინელი ხალხის მიმართ არ შეირყევა. ჩვენ ერთად ვდგავართ უკრაინასთან". - განაცხადა მან.
დახურვა