აცრაზე რეგისტრაცია იუსტიციის სახლში მისვლით ან დარეკვითაც გახდა შესაძლებელი

კოვიდ ვაქცინაციაზე რეგისტრაციაში იუსტიციის სახლები ჩაერთნენ.

კორონავირუსის წინააღმდეგ აცრაზე რეგისტრაციას მოქალაქეები დღეიდან, 20 აგვისტოდან, იუსტიციის სახლებსა და საზოგადოებრივ ცენტრებშიც შეძლებენ. 

ვაქცინაციაზე დარეგისტრირების მსურველები  იუსტიციის სახლებსა და საზოგადოებრივ ცენტრებს უნდა ეწვიონ ან დარეკონ სატელეფონო ცენტრში – 2 405 405.

სერვისით სარგებლობა იუსტიციის სახლებში ვიზიტის წინასწარი დაჯავშნის გარეშეა შესაძლებელი. მომხმარებლები ვაქცინაციაზე ახლობლებისა და ოჯახის წევრების დარეგისტრირებასაც შეძლებენ.

სერვისი ორშაბათიდან პარასკევის ჩათვლით 9:00-დან 18:00 საათამდე იუსტიციის სახლისა და საზოგადოებრივი ცენტრის ყველა ფილიალშია ხელმისაწვდომი;

შაბათს და კვირას კი ვაქცინაციაზე რეგისტრაციის მსურველებს 10:00-დან 17:00-საათამდე თბილისისა და ბათუმის იუსტიციის სახლები მოემსახურებათ.