არმაზ ახვლედიანი საზოგადოებას, ოპოზიციურ პარტიებსა და არასამთავრობო სექტორს გაერთიანებისა და აჭარის ტელევიზიის დაცვისაკენ მოუწოდებს. განცხადება პოლიტიკური სწავლების სკოლის დირექტორმა ფეისბუკზე გაავრცელა. ახვლედიანი მიიჩნევს, რომ ბიძინა ივანიშვილი აჭარის საზოგადოებრივი მაუწყებლის დამორჩილებას და მის სარედაქციო პოლიტიკაზე სრული კონტროლის აღებას აპირებს. ახვლედიანი ასევე მიმართავს, საერთაშორისო თანამეგობრობას, მიიღონ პრევენციული ზომები, სარედაქციო პოლიტიკაში ჩარევის აღსაკვეთად.
როგორც „ფორმულასთან“ საუბარში ახვლედიანი აცხადებს, მისთვის პროპორციულ არჩევნებზე მნიშვნელოვანი, აჭარის საზოგადოებრივი მაუწყებლის თემაა.
კოხრეიძის არჩევის შემდეგ არხი ტელევიზიის დირექტორის ყოფილმა მოადგილემ ნათია ზოიძემ დატოვა. იქამდე კი არხიდან წავიდნენ ჟურნალისტები ზვიად ქორიძე და მარინა ვაშაყმაძე.
გარდა ამისა, ახალი გენერალური დირექტორი შტატების გაუქმებას აპირებს და კრიტიკულად განწყობილ ჟურნალისტებს ათავისუფლებს. აჭარის ტელევიზიასა და რადიოში 4 სამსახურის უფროსს მოადგილე აღარ ეყოლება.
ახალი ამბების სამსახურის უფროსის მიმართ დისციპლინური სამართლთალწარმოება დაიწყეს. შორენა ღლონტს ხელმძღვანელობა ახალი ამბების სამსახურის მიერ NDI-სთან ერთი წლის წინ გაფორმებული ხელშეკრულების გამო ედავება.
დახურვა