ლატვიის საგარეო საქმეთა მინისტრის, ბაიბა ბრაჟე რუსულ კანონზე საუბრისას აცხადებს, რომ საქართველოს ევროპული მომავალი სერიოზული საფრთხის წინაშეა.
ამის შესახებ ბრაჟემ ბრიუსელში ევროკავშირის საგარეო საქმეთა მინისტრების შეხვედრამდე მედიასთან განაცხადა.
"ჩვენ უკვე გავუგზავნეთ ძლიერი სიგნალი საქართველოს, როდესაც ბალტიის ქვეყნების საგარეო საქმეთა მინისტრები ჩავედით თბილისში. ჩვენ შევხვდით იქ ხელისუფლებისა და ოპოზიციის წარმომადგენლებს და დავაფიქსირეთ, რომ ვდგავართ ქართველი ხალხის გვერდით მათ პროევროპულ არჩევანში. ეს ნიშნავს, რომ მთავრობამ რაღაც უნდა გააკეთოს უცხოური გავლენის გამჭვირვალობის შესახებ კანონთან დაკავშირებით და ჩვენ ვთხოვეთ მათ, რომ ეს კანონი არ მიიღონ. პრეზიდენტმა მას ვეტო უკვე დაადო და ახლა პარლამენტის გადასაწყვეტია, დაძლევენ თუ არა მას. თუმცა საქართველოს პროევროპული გზა და პროევროპული მომავალი ახლა სერიოზული გამოწვევის წინაშეა", - განაცხადა ბრაჟემ.
დახურვა