ამერიკის შეერთებული შტატების პრეზიდენტმა, ჯო ბაიდენმა თავის გამოსვლაში ტერორისტული ორგანიზაცია ჰამასის და რუსეთის პრეზიდენტის, ვლადიმერ პუტინის ქმედებები დაგმო.
ბაიდენის თქმით, ისრაელზე თავდასხმასა და უკრაინაში შეჭრას საერთო მოტივი აქვს.
"ჰამასი და პუტინი წარმოადგენენ სხვადასხვა საფრთხეებს, თუმცა მათ აქვთ საერთო მოტივი: მათ ორივეს სურთ მეზობელი დემოკრატიის სრულად განადგურება. როცა ტერორისტები პასუხს არ აგებენ ჩადენილი ტერორისთვის, როცა დიქტატორები პასუხს არ აგებენ აგრესიის გამო, მათ უფრო მეტი ქაოსი, სიკვდილი და აგრესია მოაქვთ.
ისინი მოქმედებას აგრძელებენ და საფრთხის ფასი ამერიკისთვის და მთელი მსოფლიოსთვის იზრდება. თუ ჩვენ არ შევაჩერებთ პუტინს მისი ძალაუფლებისადმი წყურვილის და უკრაინაზე კონტროლის დამყარების მისწრაფების გამო, ის არ შემოიფარგლება მხოლოდ უკრაინით", - აღნიშნა ბაიდენმა.
დახურვა