პროკურატურამ ბორჯომში შვილის განზრახ მკვლელობის საქმეზე დაკავებულს ბრალდება წარუდგინა. ამის შესახებ პროკურატურის მიერ გავრცელებულ განცხადებაშია ნათქვამი.
უწყების ინფორმაციით, გამოძიებით დადგინდა, რომ ბორჯომში, 1-ელ იანვარს, ღამის საათებში, საცხოვრებელ სახლში ურთიერთშელაპარაკების დროს, თ.პ-მ მოკვლის განზრახვით, დანის გამოყენებით, შვილს, ი.პ-ს გულმკერდის არეში ჭრილობა მიაყენა, რომელიც მიყენებული დაზიანებით ადგილზე გარდაიცვალა.
"მ.პ. 1-ელ იანვარს დააკავეს. მას ბრალდება საქართველოს სისხლის სამართლის კოდექსის 109-ე მუხლის მეორე ნაწილის ,,ვ“ ქვეპუნქტით (ოჯახის წევრის მიმართ განზრახ მკვლელობა) წარედგინა, რაც სასჯელის სახედ და ზომად 13-დან 17 წლამდე თავისუფლების აღკვეთას ითვალისწინებს.
პროკურატურამ, ბრალდებული მ.პ.-ს მიმართ, აღკვეთის ღონისძიების სახით პატიმრობის გამოყენების შუამდგომლობით ახალციხის რაიონულ სასამართლოს უკვე მიმართა. სისხლის სამართლის საქმეზე გამოძიება მიმდინარეობს", - ნათქვამია განცხადებაში.
შეგახსენებთ, რომ გუშინ, ბორჯომში, შვილის მკვლელობის ბრალდებით დედა დააკავეს.
დახურვა