3 ახალი პაციენტის გამოჯანმრთელებას ელოდებიან ვახტანგ ბოჭორიშვილის კლინიკაში. მათი მეორეული ტესტირების პასუხი დღეს გახდება ცნობილი. კლინიკაში სულ 44 პაციენტი მკურნალობს, მათგან 25 კოვიდინფიცირებულია, 25-დან 7 კი მცირეწლოვანი.
პაციენტების მდგომარეობა საშუალო სიმძიმით ხასიათდება, ხოლო ერთი მათგანი საყურადღებოდ რჩება. როგორც ინფექციონისტი ლაშა ჯავახიშვილი აცხადებს, კლინიკის ცხელების ცენტრში 3 პაციენტის ბიოლოგიური მონაცემების კვლევის პასუხებსაც ელოდებიან.
„აკადემიკოს ვახტანგ ბოჭორიშვილის კლინიკის ცხელების ცენტრში მკურნალობას 44 პაციენტი გადის. აქედან 25 პაციენტი კოვიდინფიცირებულია. ამ 25-დან 7 ბავშვია. პაციენტების მდგომარეობა საშუალო სიმძიმისაა, გყვავს ერთი საყურადღებო პაციენტი. განმეორებით კვლევაში ჩაერთვება სამი პაციენტი. სამ ტესტს ველოდებით კივდე. კონტაქტი არ ჰქონიათ დადასტურებულ ინფიცირებულთან. ცხელება და საერთო სისუსტე აღენიშნებათ“, - აცხადებს ჯავახიშვილი.
შეგახსენებთ, რომ საქართველოში კორონავირუსით 794 პირი დაინფიცირდა. აქედან, გამოჯანმრთელდა 624 პაციენტი, ხოლო 12 გარდაიცვალა.
საქართველოში ვირუსით ინფიცირების პირველი ფაქტი 26 თებერვალს დაფიქსირდა.
დახურვა