ბრიტანეთის დაზვერვის განცხადებით, რუსეთის ზამთრის შეტევა დონბასში ჩაიშალა.
ინსტიტუტის ცნობით, 2023 წლის 11 იანვარს, რუსეთის შეიარაღებული ძალების გენერალური შტაბის უფროსმა, ვალერი გერასიმოვმა პირადად აიღო უკრაინაში "სპეციალური სამხედრო ოპერაციის" მეთაურობა.
"გერასიმოვის თანამდებობაზე ყოფნა ხასიათდება ზამთრის შეტევის წამოწყების მცდელობით, რომლის მიზანია რუსეთის კონტროლის გაფართოება მთელ დონბასზე. 80 დღის შემდეგ, სულ უფრო ცხადი ხდება, რომ ეს პროექტი ჩავარდა", - აცხადებს ბრიტანეთის დაზვერვა.
ISW-ს თანახმად, დონბასის ფრონტის რამდენიმე სექტორში რუსულმა ჯარებმა მხოლოდ მცირე წარმატებას მიაღწიეს ათიათასობით მსხვერპლის ხარჯზე.
28 მარტს, ბრიტანეთის დაზვერვამ განაცხადა, რომ რუსეთი ავდეევკას მახლობლად დიდ დანაკარგებს განიცდის. დაზვერვის თქმით, ჯავშანტექნიკის დანაკარგები, სავარაუდოდ, გამოწვეულია ტაქტიკურად არასწორი ფრონტალური შეტევებით, ისევე როგორც სხვა ბოლოდროინდელი წარუმატებელი რუსული შეტევები, ქალაქ ვუჰლედარის გარშემო.
დახურვა