დიდი ბრიტანეთის მთავრობამ დაადასტურა, რომ დიდი ბრიტანეთის ხუთი მოქალაქე გაათავისუფლეს უკრაინასა და რუსეთს შორის პატიმრების გაცვლის ფარგლებში.
მთავრობის ცნობით, ეიდენ ასლინი, შონ პინერი, ჯონ ჰარდინგი, დილან ჰილი და ენდრიუ ჰილი გაათავისუფლეს.
საუდის არაბეთის შუამავლობით გაფორმებული გარიგების ფარგლებში ასევე გაათავისუფლეს ორი ამერიკელი ვეტერანი და კიდევ სამი მოქალაქე მაროკოდან, შვედეთიდან და ხორვატიიდან.
ხუთივე მოქალაქე "უსაფრთხოდ დაბრუნდა დიდ ბრიტანეთში", განუცხადა BBC-ს არაკომერციული ორგანიზაციამ- Presidium Network-მა, რომელიც მხარს უჭერდა ჰილის ოჯახს.
Presidium Network-ის თანადამფუძნებელმა, დომინიკ ბირნმა განაცხადა, რომ გათავისუფლებული ბრიტანელები, ტყვედ ჩავარდნილი უკრაინული ძალების გვერდით ბრძოლის დროს, "მოუთმენლად ელიან სიტუაციის ნორმალიზებას ოჯახებთან ერთად, ამ საშინელი განსაცდელის შემდეგ".
დიდი ბრიტანეთის მთავრობას ჯერ არ დაუდასტურებია პროცესი, რომელმაც ჯგუფის გათავისუფლება განაპირობა.
"ძალიან მისასალმებელია ახალი ამბები იმის შესახებ, რომ აღმოსავლეთ უკრაინაში რუსეთის მიერ მხარდაჭერილი მარიონეტების მიერ დაკავებული ხუთი ბრიტანეთის მოქალაქე უსაფრთხოდ დაბრუნდება, რაც ამთავრებს თვეების გაურკვევლობას და ტანჯვას მათთვის და მათი ოჯახებისთვის." - განაცხადა ბრიტანეთის პრემიერმინისტრმა ლიზ ტრასმა.
ტრასმა მადლობა გადაუხადა უკრაინის პრეზიდენტს, ვოლოდიმირ ზელენსკის "დაკავებულთა გათავისუფლების მცდელობისთვის", ხოლო საუდის არაბეთს "დახმარებისთვის".
დახურვა