ბრიტანეთმა რუსი სამხედრო მეთაურებისა და ირანელი ბიზნესმენების წინააღმდეგ სანქციები დააწესა

დიდმა ბრიტანეთმა რუსი სამხედრო მეთაურებისა და ირანელი ბიზნესმენების წინააღმდეგ სანქციები დააწესა.

ბრიტანეთმა სანქციები დაუწესა 12 რუს სამხედრო ლიდერს, რომლებიც უკრაინის ქალაქებზე სარაკეტო თავდასხმაში მონაწილეობდნენ, ასევე ირანელ ბიზნესმენებს, რომლებიც ჩართული იყვნენ რუსეთისთვის დრონების წარმოებასა და მიწოდებაში.

დიდმა ბრიტანეთმა განაცხადა, რომ ირანული წარმოების უპილოტო თვითმფრინავებმა ცენტრალური როლი ითამაშეს მშვიდობიან მოსახლეობაზე თავდასხმებში. ვაშინგტონის თქმით, ირანი რუსეთის ერთ-ერთი მთავარი სამხედრო მოკავშირე გახდა და მას ასობით თვითმფრინავი გაუგზავნა.

"დიდი ბრიტანეთი უკრაინის გვერდით დგას. რუსული ჯარების დაგეგმილი თავდასხმები უკრაინის ქალაქებსა და უდანაშაულო სამოქალაქო პირებზე უპასუხოდ არ დარჩება. ირანის რეჟიმი სულ უფრო იზოლირებულია საკუთარი ხალხის ცვლილებისკენ მიმართული ყრუ მოწოდებების ფონზე და დებს ბოროტ გარიგებებს პუტინთან გადარჩენის სასოწარკვეთილ მცდელობაში", - განაცხადა ბრიტანეთის საგარეო საქმეთა მინისტრმა.

29 ივნისს, დიდმა ბრიტანეთმა რუსეთის მოქალაქეებისა და კომპანიების წინააღმდეგ დამატებითი სანქციები დააწესა. სანქცირებულთა შორისაა რუსეთის პრეზიდენტის, ვლადიმერ პუტინის "შიდა წრე". ბრიტანეთის მთავრობის ცნობით, ომის დაწყებიდან დღემდე სანქციები 1 000-ზე მეტ რუს ადამიანსა და 120 ბიზნესს დაუწესეს.