გაეროს გენერალურმა ასამბლეამ ხმათა უმრავლესობით დაამტკიცა რეზოლუცია, რომელიც რუსეთის მიერ უკრაინის ოთხი ტერიტორიის ანექსიის მცდელობას უკანონოდ და არალეგიტიმურად აფასებს.
უკრაინის პრეზიდენტმა ვლადიმირ ზელენსკიმ რეზოლუციას "ისტორიული" უწოდა და მადლობა გადაუხადა ქვეყნებს, რომლებმაც მას მხარი დაუჭირეს.
"მადლობა 143 სახელმწიფოს, რომლებმაც მხარი დაუჭირეს #UNGA-ს ისტორიულ რეზოლუციას "უკრაინის ტერიტორიული მთლიანობა: გაეროს წესდების პრინციპების დაცვა". მსოფლიომ თქვა - რუსეთის ფედერაციის ანექსიის მცდელობა უსარგებლოა და არასოდეს იქნება აღიარებული თავისუფალი ქვეყნების მიერ. უკრაინა მთელ თავის მიწას დაიბრუნებს."- წერს ზელენსკი Twitter-ზე.
Grateful to 143 states that supported historic #UNGA resolution "Territorial integrity of Ukraine: defending the principles of the UN Charter". The world had its say - RF’s attempt at annexation is worthless & will never be recognized by free nations. will return all its lands pic.twitter.com/FupYPfZz8M
ასამბლეის საგანგებო სესიაზე უკრაინასთან დაკავშირებით, აშშ-ს ელჩმა გაეროში ლინდა თომას-გრინფილდმა თქვა, რომ კენჭისყრა "მნიშვნელოვანია არა მხოლოდ უკრაინისა და ევროპის მომავლისთვის, არამედ ამ ინსტიტუტის საფუძვლებისთვისაც."
ამერიკელმა დიპლომატმა თქვა, რომ რეზოლუცია მოუწოდებს მშვიდობისკენ და დეესკალაციისკენ და "ნათელს ხდის, რომ ჩვენ უარვყოფთ რუსეთის ანექსიის მცდელობებს, რომ ჩვენ უარვყოფთ ტერიტორიული მთლიანობის, ეროვნული სუვერენიტეტის, მშვიდობისა და უსაფრთხოების ამ შეურაცხყოფას."
დახურვა