IRI-ის გამოქვეყნებული კვლევის მიხედვით, გამოკითხულთა 68% ფიქრობს, რომ ქვეყანა არასწორი მიმართულებით ვითარდება.
ამავე კვლევის მიხედვით, გამოკითხულთა 80% მხარს უჭერს ქვეყნის ევროკავშირში ინტეგრაციას, ხოლო 71% მხარს უჭერს ნატო-ში ინტეგრაციას.
ამავდროულად, მოქალაქეების 87% თვლის, რომ რუსეთი ქვეყნის მტერია, ხოლო 83%-ს მიაჩნია, რომ მისგან საფრთხე მოდის.
კვლევა საერთაშორისო რესპუბლიკურმა ინსტიტუტმა საქართველოში 2019 წლის ივნისის ანტი-რუსული საპროტესტო აქციების შემდეგ ჩაატარა. კვლევის საველე სამუშაოები ჩაატარა კვლევისა და მარკეტინგის ინსტიტუტმა (IPM), 2019 წლის 11 სექტემბრიდან 14 ოქტომბრის ჩათვლით.
დახურვა