გაყიდული ბავშვების საქმე

სამშობიაროდან ჩვილების გაყიდვის საქმეზე გამოძიება დაიწყო - ასეთი რეზონანსი მოჰყვა სოციალურ ქსელში შექმნილი ჯგუფის "ვეძებ" - საქმიანობას. ჯგუფის დამფუძნებელმა თამარ მუსერიძემ გამოძიებას მიაწოდა ორი წლის განმავლობაში შეგროვებული ინფორმაცია. ლაპარაკია ათწლეულების განმავლობაში, საქართველოში არსებული სხვადასხვა სამშობიაროდან ჩვილების სავარაუდოდ, უკანონო გაშვილებისა და გაყიდვის ფაქტებზე. როგორ ეძებენ გაშვილებულები მშობლებს და დედები, ვისაც სამშობიაროში უთხრეს რომ შვილი დაეღუპა, სინამდვილეში კი ჩვილი გაუყიდეს.