ინფექციური საავადმყოფოს სამედიცინო დირექტორის მარინა ეზუგბაიას ინფორმაციით, კლინიკაში მყოფი პაციენტების მდგომაროება სტაბილურია, თუმცა 5 პაციენტი არის მძიმედ.
ეზუგბაიას თქმით, 5 პაციენტიდან 2 კრიტიკულ მდგომარეობაში რჩება, ხოლო 3-ის მდგომარეობა შედარებით გაუმჯობესებულია.
"გვყავს 5 მძიმე პაციენტი. აქედან 2 პაციენტი კრიტიკულია. დანარჩენი 3 პაციენტის მდგომაროება დასტაბილურებულია და შედარებით გაუმჯობესდა. თუ დღესაც დინამიკა ასე გაგრძელდება, ესე იგი კრიტიკული ფაზა გადავლილია და სამომავლოდ გამოჯანმრთელება დადგება. ასევე 3 ახალი გამოჯანმრთელებული გვყავს. გუშინ 19 პაციენტს ჩაუტარდა კვლევა, ხოლო დღეს დილიდან კიდევ 9-ს აუღეს ანალიზები", - განაცხადა მარინა ეზუგბაიამ.
სულ საქართველოში კორონავირუსით ინფიცირების 130 შემთხვევა ფიქსირდება.
დახურვა