გირჩი - მეტი თავისუფლების ინფორმაციით, პარტიის ლიდერი ზურაბ ჯაფარიძე და გირჩის პოლიტიკოსი, ნიკა მოსიაშვილი დაკავებულები არიან.
"ისინი სპეცრაზმმა ძალის გამოყენებით შეიყვანა პარლამენტის ეზოში", - აცხადებენ პარტიაში.
მოქალაქეებმა პარლამენტთან რკინის ჯებირი მოხსნეს, რომელიც რუსთაველის მოედნის მხრიდან იყო დამონტაჟებული.
როგორც კადრებიდან ჩანს, აქციის მონაწილეები საკანონმდებლო ორგანოს ცენტრალურ რკინის ჭიშკართან მოხვდნენ.
რუსთაველის გამზირზე მიმდინარე საპროტესტო აქციაზე ვითარება დაიძაბა. სპეცრაზმმა მშვიდობიანი მოქალაქეების წინააღმდეგ ცრემლმდენი გაზი გაუშვა.
პოლიცია მშვიდობიანი მოქალაქეების წინააღმდეგ წყლის ჭავლსაც იყენებს.
პარლამენტის მიმდებარე ტერიტორიაზე ვითარება მას შემდეგ გამწვავდა, რაც ოცნებამ რუსული კანონპროექტი მირველი მოსმენით მიიღო. კანონპროექტს მხარი 76-მა დეპუტატმა დაუჭირა, წინააღმდეგ 13 წავიდა.
პროტესტის პარალელურად, შინაგან საქმეთა სამინისტრომ განცხადება გაავრცელა. შსს ირწმუნება, რომ აქციაზე, სადაც მოქალაქეებს არბევენ, "პროპორციული ძალა გამოიყენეს"
"პროტესტი გასცდა გამოხატვის თავისუფლებისა და მშვიდობიანი შეკრების კანონით დადგენილ ფარგლებს და მიიღო ძალადობრივი ხასიათი", - აცხადებენ შსს-ში.
დახურვა