გირჩი-მეტი თავისუფლება შსს-ს შენობისთვის მჩხიბავს ჯადოს აკეთებინებს.
გირჩი - მეტი თავისუფლება ამ პერფორმანსით პოლიტიკოსების უკანონო დაკავებას აპროტესტებს.
პარტიის ფეისბუქ გვერდზე წერენ, რომ თუ უკანონოდ დაკავებულებს არ გაათავისუფლებენ, არ მოხსნიან შსს-ს ჯადოს, რომელსაც მსოფლიოს ერთ-ერთი საუკეთესო მჩხიბავი აკეთებს.
"დღეს “გირჩი-მეტი თავისუფლება” მჩხიბავს გააკეთებინებს ჯადოს შსს-ზე.
ქ.ნ-ი სტელა სტამბოლიდან ჩამოვიყვანეთ და პოლიტსაბჭოსთან შეთანხმებით დავაგეგმინეთ ჯადო. იგი მეოთხე თაობის მჩხივაბია და მსოფლიოს საუკეთესო მჩხიბავთა 27-ეულში შედის.
ჩვენი მოთხოვნა არის “გირჩი-მეტი თავისუფლების” პოლიტიკოსების გათავისუფლება, რომლებიც უკანონოდ დააკავეს. წინააღმდეგ შემთხვევაში ჯადოს არ მოვხსნით.
გთხოვთ გაითვალისწინოთ, რომ ჯადოს მოხსნა მხოლოდ ქ.ნ სტელას შეუძლია, რადგან მისი გამოყენებული მაგიის მოხსნა, კონკრეტულად მას მოითხოვს" , - წერს გირჩი - მეტი თავისუფლება
გირჩი - მეტი თავისუფლების წევრები 12 ნოემბერს დააკავეს, როცა პარტიის წევრებმა ერთდროულად 6 ქალაქში სუს-ის შენობების შესასვლელები მანქანებით ჩაკეტეს.
დაკავებულთა შორის არიან:
- ბადრი გრიგალაშვილი - გორი;
- ზურა ხომერიკი - გორი;
- ტორესა მოსი - თელავი;
- გიორგი ფუტკარაძე - ბათუმი;
- იმედა კლდიაშვილი - ქუთაისი;
- ირაკლი კუკანია - რუსთავი;
- დაჩი გიორგაძე - რუსთავი;
- ვანო ჩუთლაშვილი - რუსთავი;
- მათე მგელაძე (ენმ-ის წევრი) რუსთავი
თელავში ტორესა მოსის, ასევე გორში ბადრი გრიგალაშვილის და ზურა ხომერიკის სასამართლო პროცესები 19 ნოემბრამდე გადაიდო. სხვა დაკავებულების შესახებ ინფორმაცია ჯერჯერობით არ არის ცნობილი.
დახურვა