ძველი იპოდრომის ტერიტორიაზე, სადაც პარტია "გირჩი" აქციას მართავდა, 2 პირი დააკავეს.
თავდაპირველად, სამართალდამცველებმა ახალგაზრდა მამაკაცი ვაკე-საბურთალოს რაიონულ განყოფილებაში გადაიყვანეს.
პოლიციის განცხადებით, პირი ორი მუხლით, კერძოდ კი, ადმინისტრაციული კოდექსის 166-ე და 173-ე მუხლით დააკავეს, რაც ხულიგნობასა და პოლიციისადმი დაუორჩილებლობას გულისხმობს.
მოგვიანებით, ამავე ბრალდებით პოლიციამ ახალგაზრდა ქალი დააკავა.
შეგახსენებთ, რომ პოლიტიკური პარტია „გირჩი“ დაწესებული შეზღუდვების გაუქმების მოთხოვნით აქციას იპოდრომზე მართავდა. აქცია-სეირნობა იპოდრმის მიმდებარე ტერიტორიაზე დაახლოებთ 1 საათის განმავლობაში მიმდინაროებდა. იპოდრომზე 30-მდე ადამიანი იყო შეკრებილი.
მანამდე პოლიციის განყოფილებაში გადაიყვანეს პარტიის ლიდერი ზურაბ ჯაფარიძე და აქციის სხვა ორგანიზატორები.
დახურვა