დღეს უნგრეთში საპარლამენტო არჩევნები იმართება. ბოლო ეგზიტპოლის მიხედვით, ამჟამინდელ პრემიერმინისტრისა და ევროპაში ხელისუფლებაში ყველაზე ხანგრძლივი დროით მყოფი ლიდერის, ვიქტორ ორბანის პარტიას Fidesz-ს მცირე უპირატესობა აქვს.
მისი მთავარი მოწინააღმდეგე 6 პარტიისგან შემდგარი ოპოზიციური ალიანსია.
მარტში ჩატარებული ეგზიტპოლის შედეგების მიხედვით, ორბანის პარტიას 39% აქვს, ოპოზიციას კი 36% უჭერს მხარს, გამოკითხულთა 19%-მა პასუხისგან თავი შეიკავა.
ოპოზიციის ლიდერი 49 წლის კონსერვატიული პარტიის წევრი პიტერ მარკი-ზაია. მისი კამპანია მთლიანად აღმოსავლეთსა და დასავლეთს შორის არჩევანის გაკეთების კონცეფციას ეყრდნობა. მისი თქმით, ორბანმა რუსეთი აირჩია, რაც დემოკრატიულ უფლებებს ძირს უთხრის და ცენტრალური ევროპის ქვეყანას ევროკავშირისგან აშორებს, უნგრეთის ადგილი კი ევროკავშირშია
მარკი-ზაიმ დღეს ხმის მიცემის შემდეგ განაცხადა, რომ იმედოვნებს, მისი ხმა „შეცვლის უნგრეთის ისტორიის მიმართულებას“.
საარჩევნო უბანზე დღეს დილით მივიდა ვიქტორ ორბანიც. მან განაცხადა, რომ არჩევნებში "დიდ გამარჯვებას" ელის. მან საპარლამენტო არჩევნებში ხმის მიცემა "მშვიდობასა და ომს შორის არჩევანის გაკეთებად" აღწერა, რითაც ოპონენტი კიდევ ერთხელ დაადანაშაულა უკრაინაში მიმდინარე ომში ჩართვის სურვილში.
თავის მხრივ ორბანი აცხადებს, რომ უნგრეთის ინტერესების შესაბამისად მოქმედებს. ის პუტინთან ურთიერთობას სამართლიანსა და დაბალანსებულს უწოდებს.
აღსანიშნავია, რომ ორბანმა დაგმო რუსეთის შეჭრა და ვეტო ევროკავშირის მხრიდან რუსეთისთვის დაწესებული არცერთი სანქციისთვის არ დაუდია. თავად უნგრეთმა კი რუსეთისთვის სანქციების დაწესებაზე, რუსულ ნავთობსა და გაზზე შეზღუდვებზე უარი თქვა.
დახურვა