დეტალები მუქარის წერილის შესახებ - რას ყვება ბადრი ჯაფარიძე გიორგი გახარიაზე

პროკურატურა ამ დრომდე არ დაინტერესებულა ლელოს ერთერთი ლიდერის, ბადრი ჯაფარიძის სკანდალური განცხადებით, რომელმაც თქვა, რომ გიორგი გახარიამ, შინაგან საქმეთა მინისტრობის პერიოდში, მუქარის წერილი პირადად - ხელიდან ხელში გადასცა. როდის და სად შედგა კომუნიკაცია, ჯაფარიძე არ აკონკრეტებს; ამბობს, რომ წერილი მინისტრმა იმ შეხვედრის დასასრულს მისცა, რომელიც კომპანია "თიბისი ფეისთან" დაკავშირებით შედგა. ამ წერილში ჯაფარიძემ მუქარა ამოიკითხა. დღეს ეჭვობს, რომ საქმის გახსნა ოპოზიციაში გადაბარგებულ გახარიას არ სურს, რადგან იცის, რომ დამკვეთის ვინაობის დასახელება მოუხდება.